Rusiyada son illər alimentlərin tutulması məsələsi ən mühüm sosial problemlərdən birinə çevrilib.
"Cebheinfo.az" xəbər verir ki, “Utro Rossii” verilişində aliment borcu olanlar və qanunsuz ödənişdən yayınma halları ətraflı müzakirə olunub.
Yeni qaydalarla Rusiyada aliment borcu olan boşanmış ər-arvadın avtomobillərinə və evlərinə həbs qoyula bilər.
Həştərxan vilayətinin Federal İcra İdarəsinin rəisi Elvira Akbirdiyevanın açıqlamasına görə, yoxlamalar çərçivəsində 117 avtomobil müsadirə edilib və 5 milyon rubldan çox pul yığılıb. Girov qoyulan borclulara borclarını ödəmək üçün 10 gün vaxt verilir. Əks halda, avtomobillər hərracda satılır.
Ancaq hər üsul eyni dərəcədə təsirli deyil. Məhkəmə icraçılarının səyi ilə yığılan alimentin məbləği ildən-ilə artsa da, hələ də bir çox uşaq aliment ala bilmir.
Bu problemi həll etmək üçün may ayında yeni qanun qüvvəyə minəcək.
Yeni tənzimləmə ilə aliment borcu olanlar üçün vahid dövlət reyestri yaradılacaq.
Bu sistem işəgötürənlərə işçilərinin borc vəziyyətinə nəzarət etməyə imkan verəcək və sistem aliment ödəməyən insanların iş tapmasını çətinləşdirə bilər.
