Britaniyanın baş naziri Keir Starmer avstraliyalı həmkarı Entoni Albanesenin Ukrayna ilə bağlı “İstəyənlər Koalisiyası” adlandırılan təşkilata müəyyən töhfə verməyi nəzərdən keçirmək istəyini alqışlayıb.
SİA-nın məlumatına görə, bu barədə “Reuters” Dauninq-stritdəki mənbəyə istinadən yazıb.Materialda göstərilir ki, iki ölkənin hökumət başçıları telefon danışığı aparıb və Ukraynadakı vəziyyəti müzakirə ediblər. Söhbət zamanı Starmer müdafiə nazirləri ilə görüşü səbirsizliklə gözlədiyini də bildirib.
Müvafiq görüş martın 11-nə planlaşdırılıb və Parisdə baş tutacaq.
Tədbir iştirakçılarının Ukrayna böhranının həlli yollarını müzakirə edəcəyi gözlənilir.
Əli Babayev
