Suriyanın yeni hakimiyyəti heç bir xarici qüvvənin və ya yerli partiyaların ölkəni vətəndaş müharibəsinə sürükləməsinə imkan verməyəcək.
Senzor.az yerli KİV-ə istinadən bildirir ki, bunu Suriyanın müvəqqəti Prezidenti Əhməd əl-Şara son qarşıdurmaları şərh edərkən deyib.
"Bu gün biz yeni təhlükə ilə üz-üzəyik. Bu, əvvəlki rejimin qalıqları və onların arxasında duran xarici qüvvələrin ölkəmizi parçalamaq, birliyini və sabitliyini pozmaq məqsədi ilə yeni nifaq salmaq, ölkəmizi vətəndaş müharibəsinə sürükləmək cəhdidir", - o bildirib.
Qeyd edək ki, 6 martdan Latakiya-Tartus ərazisində Əsəd tərəfdarları ilə hökumət qüvvələri arasında şiddətli toqquşmalar başlayıb.
Hər iki tərəfdən xeyli itki var.
