Formula-1 rəhbərliyi bütün Qran-prilərdə sprint yarışlarının təşkili variantını nəzərdən keçirir.
İdman.biz xəbər verir ki, bu barədə İtaliyanın CircusF1 nəşri məlumat yayıb.
Formula-1-in baş direktoru qarşıdakı 3 il ərzində hər həftə sonu sprint yarışlarını keçirməyi hədəfləyib. Sprintlərin sayı tədricən artacaq: 2026-cı ildə 12, 2027-ci ildə 18, 2028-ci ildən etibarən isə bütün Qran-prilərdə qısa məsafəyə yürüşlər təşkil olunacaq.
Hazırda Formula 1-də hər mövsümdə altı sprint yarışı keçirilir. 2025-ci ildə bu yarışlar Çin, Mayami, Belçika, ABŞ, Braziliya və Qətər Qran-prilərindən bir gün əvvəl baş tutacaq.
Qeyd edək ki, 2023-cü ildə Azərbaycan Qran-prisində sprint yarışı keçirilib.
İdman.biz
