Finlandiyada səfərdə olan Ukrayna Prezidenti Vladimir Zelenski ABŞ və Rusiya liderləri Donald Trampla Vladimir Putinin telefon danışığından sonra açıqlama verib.
Yenicag.az xəbər verir ki, bu barədə “Sky News” məlumat yayıb.
Ukrayna lideri telefon danışığı fonunda bildirib ki, respublika ərazisində münaqişənin həlli üçün Avropa danışıqlar masası arxasında olmalıdır:
“Avropa danışıqlar masası arxasına əyləşməlidir. Onun təhlükəsizliyi ilə bağlı hər şey Avropa ilə birlikdə həll edilməlidir”, – Zelenski bildirib./Qafqazinfo/
