Hurriyyet.az TASS informasiya agentliyinə istinadla xəbər verir ki, Ermənistanın Baş naziri Nikol Paşinyan Ermənistan ilə KTMT-nin münasibətlərinin geriyə dönməsi mümkün olmayan nöqtəyə çatdığını bəyan edib. Paşinyan parlamentdəki çıxışı zamanı Ermənistanın KTMT-də hansısa sənədin müzakirəsində iştirak etmədiyini, KTMT çərçivəsində qəbul edilən sənədlərlə maraqlanmadığını, İrəvan ilə təşkilatın münasibətinin geri qayıdışı olmayan nöqtəyə çatdığını qeyd edib.
Paşinyan deyib: "Biz KTMT-dəki fəaliyyətimizi dayandırdığımızı demişik. Bu isə hansısa sənədin müzakirəsində iştirak etmədiyimiz deməkdir. Biz sadəcə, heç bir sənədə qarşı veto qoymuruq. Çünki mahiyyətcə özümüzü KTMT-dən kənar hesab edirik - qoy nə istəyirlər, etsinlər. Bu situasiya Ermənistanın KTMT-yə qayıtmasını getdikcə daha da çətinləşdirir, hətta mümkünsüz edir. Məncə, biz burada geri qayıdışın olmadığı nöqtəyə çatmışıq".
Hürr Tərcüman
