Fransa ilə hərbi əməkdaşlığın gələcək illərdə genişlənməsi ilə Ermənistan bütün sahələrdə bu ölkədən güclü şəkildə asılı olacaq.
“Far.Az” xəbər verir ki, bunu Karlton Universitetinin Avropa, Rusiya və Avrasiya Araşdırmaları İnstitutunun keçmiş baş elmi işçisi Robert M. Katler "Fransa və Ermənistan-Azərbaycan münaqişəsi" adlı konfransda videoformatda çıxışı zamanı bildirib.
O qeyd edib ki, üçüncü ölkələrin Cənubi Qafqaz işlərinə müdaxilə cəhdləri regionda sabitliyi pozur və hətta İranda narahatlıq yaradır.
"İran Ermənistan-Azərbaycan sərhədində üçüncü ölkələrin mövcudluğundan narahatdır. Fransa Ermənistana döyüş sursatı, hərbi texnika, hava hücumundan müdafiə sistemləri və gecəgörmə cihazları tədarük edir. Fransa silahları uzaq məsafələrdən hədəfləri vura bilir. 2026-2027-ci illərdə Fransa ilə Ermənistan arasında hərbi əməkdaşlığın genişlənəcəyi ehtimal olunur ki, bu da nəticə etibarilə İrəvanı bütün sahələrdə, o cümlədən iqtisadi sahədə Parisdən son dərəcə asılı vəziyyətə salacaq", - Katler bildirib.
