"Barselona" "Mançester Yunayted"in futbolçusu Markus Reşfordun transferindən danışıb.
QOL.az xəbər verir ki, bu barədə "Relevo" nəşri məlumat yayıb.
Transferin reallaşması üçün Kataloniya klubu hər hansı futbolçusu ilə yollarını ayırmalıdır. Buna səbəb La Liqanın maliyyə feyr-pley qaydalarıdır. Hazırda isə klubdan getmək istəyən futbolçular yoxdur.
Qeyd edək ki, Markus Reşford bu mövsüm "Mançester Yunayted"in heyətində 24 oyuna çıxaraq 7 qol vurub və 3 qolun ötürməsini edib.
