Kompensasiyanın azlığına etiraz edən 37 ailənin yaşadığı binanın elektrik enersi ilə təminatı dayandırılıb.
Xezerxeber.az-ın xəbərinə görə, Binəqədi rayonu Ağasadıq Gəraybəyli 41 küçəsində yerləşən beş mərtəbəli yataqxana tipli binanın sakinləri iddia edir ki, qəzalı vəziyyətdə olan beş mərtəbəli binanın köçürülməsi üçün qərar altı il bundan əvvəl müvafiq qurumlar tərəfindən verilib.
Binada sakinlırinin yarıdan çoxu köçürülüb. 37 ailə isə onalra təklif edilən kompensasiya ilə razılaşmadığından mənzilləri tərk etmirlər.
Qeyd edək ki, Bakı Baş Tikinti İdarəsinin balansında olan bu bina 1990-cı ildən ev növbəsində olan işçilər üçün ayrılıb. Sonradan sözügedən idarə ləğv olunub.
Mehriban Rüstəməova onlara təklif edilən kompensasiyanın məbləği ilə ilə razılaşmadıqları üçün məhkəməyə müraciət ediblər.
Binəqədi rayon Mənzil Kommunal Təsərrüfatı Birlinin baş mühəndisi Vəli Əliyev “Xəzər Xəbər”ə açıqlamasında qeyd edib ki, binaya bundan sonra kommunal xidmət göstərilməyəcək.
İndi həm sakinlər, həmdə rəsmi qurumlar məhkəmənin qəbul edəcəyi qərarı gözləyirlər.
Xezerxeber.az mövzu ilə bağlı daha ətraflı videomaterialı təqdim edir.
