EN

Çin ABŞ-dən kömür, neft və maye qaz idxalına rüsum tətbiq edib

Çin ABŞ-dən neft, çoxlitrajlı avtomobillər, pikaplar və kənd təsərrüfatı texnikası idxalına 10 % rüsum tətbiq etdiyini elan edib.

“Report” xarici KİV-ə istinadən xəbər verir ki, bu barədə Çin Xalq Respublikasının Dövlət Şurasının Tarif və Təsnifat Komitəsinin fərmanında bildirilir.

Həmçinin ABŞ-dən idxal olunan kömür və maye qaza 15 % rüsum tətbiq ediləcək.

Qərar ABŞ-nin Çin mallarına tətbiq etdiyi və bu gün qüvvəyə minən 10 % həcmində rüsuma cavab olaraq qəbul edilib.

Sənəddə qeyd olunub ki, ABŞ-nin birtərəfli rüsum tətbiq etməsi Ümumdünya Ticarət Təşkilatının (ÜTT) qaydalarını ciddi şəkildə pozur, eləcə də Çin ilə ABŞ arasında normal iqtisadi və ticarət əməkdaşlığına mane olur.

Xatırladaq ki, fevralın 1-də ABŞ Prezidenti Donald Tramp Meksika, Kanada və Çindən idxal edilən mallara rüsum tətbiq edilməsi barədə sərəncam imzalayıb. Çin malları üçün rüsum 10 %, Meksika malları üçün 25 % təşkil edəcək. Bundan başqa, Kanadanın enerji resurslarına görə 10 %, digər məhsullara görə isə 25 % rüsum tətbiq olunacaq.

Chosen
4
5
far.az

6Sources