İlon Mask: ABŞ hökuməti ildə 700 milyard dollar itirir

ABŞ Hökumətinin Səmərəliliyi Departamentinin (DOGE) rəhbəri İlon Mask bildirib ki, hökumətdəki saxtakarlıqlar nəticəsində ölkə büdcəsi hər il təxminən 700 milyard dollar itirir.

APA xəbər verir ki, bu barədə Mask özünün X hesabında paylaşım edib.

"Federal hökumətdə fırıldaqçılıq nəticəsində itkilər bütün ödənişlərin həcminin demək olar ki, 10%-ni təşkil edir ki, bu da ildə təxminən 700 milyard dollara bərabərdir", - deyə paylaşımda bildirilir.

Bundan əlavə, Maskın hesablamalarına görə, ödənişlərin ən azı 15%-i təxminən 1 trilyon dollar Amerika rəsmiləri tərəfindən mənimsənilir.