Birləşmiş Millətlər Təşkilatının (BMT)Ərzaq və Kənd Təsərrüfatınnın (FAO) Ərzaq Qiymətləri İndeksi 2025-ci ilin yanvar ayında aylıq müqayisədə 1,6 faiz azalıb, illik müqayisədə (2023-cü ilin yanvar ayı ilə) 6,2 faiz artıb.
Marja xəbər verir ki, şəkər, bitki yağları və ətin qiymət indekslərinin aşağı düşməsi süd məhsulları və dənli bitkilərin qiymət indekslərindəki artımları əvəzləmişdir.
FAO Taxıl Qiymətləri İndeksi yanvar ayında aylıq müqayisədə 0,3 faiz artsa da, illik müqayisədə 6,9 faiz azalıb. Yanvar ayında buğdanın ixrac qiymətləri çox cüzi azalma göstərsə də, ümumilikdə sabit qalıb. Zəif idxal tələbi qiymətlərə təzyiq göstərib.
Yanvar ayında dünya qarğıdalı qiymətləri iki il ərzində ilk dəfə olaraq bir il əvvəlki səviyyələri üstələyib. Artan qiymət Argentinadakı əlverişsiz əkin şəraiti, Braziliyanın əsas məhsulunda (safrinha) yavaş irəliləyiş və ABŞ-da aşağı qarğıdalı istehsalıdır. Digər iri taxıllar arasında sorqo və arpanın dünya qiymətləri artıb. Arpada artım cüzi olub. Bununla yanaşı, FAO-nun Düyü Qiymətləri İndeksi yanvarda 4,7 faiz azalıb, çünki ixracın artması və ixracatçılar arasında rəqabət qiymətlərə aşağı təzyiq göstərməyə davam edib.
FAO Bitki Yağı Qiymətləri İndeksi yanvar ayında aylıq 5,6 faiz azalsa da, illik müqayisədə 24,9 faiz artıb. Azalma, əsasən, dünya palma yağının qiymətlərinin azalması ilə əlaqədar olub, soya və günəbaxan yağının kotirovkaları isə sabit qalıb. Ardıcıl yeddi ay artdıqdan sonra, beynəlxalq palma yağı qiymətləri, əsasən tələbin azalması səbəbindən son illərdəki ən yüksək səviyyələrindən düşüb. Bunun əksinə olaraq, soya və günəbaxan yağı kotirovkaları sabit qalıb. Cənubi Amerikanın soya istehsal edən ölkələrində əlverişsiz hava şəraiti ilə bağlı narahatlıqlar və güclü qlobal idxal tələbi qiymətləri qismən dəstəkləyib.
FAO Ət Qiyməti İndeksi yanvar ayında aylıq 1,4 faiz azalsa da, illik müqayisədə 8,1 faiz artıb. Xırdabuynuzlu mal-qara, donuz və quş ətinin beynəlxalq qiymətləri azalıb. İl sonu bayramlarından sonra tələbat azaldığından xırdabuynuzlu mal-qara ətinin qiyməti azalmışdır. Quş ətinin qiymətləri də azalıb və bu, xüsusilə rəqabətli yem qiymətlərinin istehsalı dəstəklədiyi Braziliyada geniş tədarükü əks etdirir.
FAO Süd Qiyməti İndeksi yanvar ayında aylıq 2,4 faiz artarkən, illik artım isə 20,4 faiz təşkil edib.
FAO Şəkər Qiyməti İndeksi də yanvar ayında aylıq 6,8 faiz, illik bazda isə 18,5 faiz azalaraq 2022-ci ilin oktyabrından bəri ən aşağı səviyyəyə düşüb. Yanvar ayındaki azalma, son aylarda Braziliyada ümumilikdə əlverişli hava şəraitinin 2025-ci ilin aprelindən yığılacaq şəkər qamışı məhsuluna fayda verməsindən sonra davam edən 2024/25 mövsümü üçün qlobal tədarük gözləntilərinin yaxşılaşması ilə əlaqədardır. Bundan əlavə, Hindistan hökumətinin 2023-cü ilin oktyabr ayından məhdudlaşdırılmış şəkər ixracını bərpa etmək qərarı dünya şəkər qiymətlərinə daha da aşağı təzyiq göstərib.
