"Real Madrid"in vingeri Vinisius Juniorun agentləri 24 yaşlı futbolçu ilə yeni müqaviləni müzakirə etmək üçün klub rəhbərliyi ilə ilk görüşü keçiriblər.
90deqiqe.Az "Relevo"ya istinadən xəbər verir ki, bu görüşdə "Real Madrid" yeni əmək müqaviləsinə əsasən Vinisiusa ödəməyə hazır olduğu maaşı açıqlayıb. Braziliyalı oyunçunun agentləri hesab edirlər ki, onların müştərisi daha çox qazanmalıdır.
"Real Madrid" daha çox ödəməyə hazır olan Səudiyyə klublarının Vinisiusa olan marağına görə bu danışıqların asan olmayacağının fərqindədir. Bununla belə, “qaymaqlılar” 24 yaşlı hücumçunun maaşını həddindən artıq şişirtmək niyyətində deyil. Vinisiusun klubla hazırkı əmək müqaviləsi 2027-ci ilin yayına kimi nəzərdə tutulub.
