Gürcüstanın NATO-ya inteqrasiyası ölkə ətrafında ümumi kontekstlə əlaqədar olaraq gündəmdə deyil.
SİA-nın məlumatına görə, bunu Gürcüstanın baş naziri İrakli Kobaxidze deyib.…Bizim çox aydın xarici siyasət hədəflərimiz var. NATO-ya inteqrasiyaya gəlincə, bu, Qərb ölkələrinin qərarları və yanaşmaları və ətrafımızdakı ümumi kontekst səbəbindən hazırda gündəmdə deyil.
Baş nazir Euronews telekanalına müsahibəsində deyib. Kobaxidze eyni zamanda qeyd edib ki, Avropa İttifaqına inteqrasiya Gürcüstanın “əsas xarici siyasət prioriteti” olaraq qalır.
Onun sözlərinə görə, 2030-cu ilə qədər Avropa İttifaqına üzv olmaq məqsədi Gürcüstan üçün realdır.
O, həmçinin qeyd edib ki, hər hansı bir addım atarkən ölkə bütün “yan təsirləri” ölçüb-biçir.
Xüsusən də Gürcüstan Rusiyaya qarşı sanksiyaların tətbiq edilməməsi ilə bağlı çox mühüm qərar qəbul edib, Qərb siyasətçiləri bunu həm bağlı qapılar arxasında, həm də açıq şəkildə həyata keçirməyi tələb ediblər.
Əli Babayev
