Modriçə görə Peres ilə Ançelotti arasında anlaşılmazlıq yarandı

"Real"ın baş məşqçisi Karlo Ançelotti futbolçusu Luka Modriçə daha çox oyun vaxtı vermək istəyir. 

Bu barədə "Relevo" nəşri məlumat yayıb. 

İtaliyalı mütəxəssis 39 yaşlı yarımmüdafiəçinin daha çox oynamaq istədiyini bilir. Həmçinin o özü də xorvatiyalı futbolçunu komandada əsas rollardan birini vermək istəyir.

Lakin Madrid klubunun prezidenti Florentino Peres və rəhbərliyin digər nümayəndələri buna qarşıdırlar. Onlar Modriçin rolunu vacib dəyərləndirsələr də, onun artıq mühüm görüşlərdə əsas fiqur ola bilməyəcəyini hesab edirlər.

Qeyd edək ki, Luka Modriç bu mövsüm "Real"ın heyətində 34 oyuna çıxaraq 3 qol vurub və 6 qolun ötürməsini edib.