Bu gün Bakı şəhər Suraxanı rayon Hövsan qəsəbəsində bıçaqlanma hadisəsi olub.
SeherXeber.org xəbər verir ki, “Qafqazinfo”nun əldə etdiyi məlumata görə, hadisə qəsəbədəki məktəblərdən birinin yaxınlığında baş verib.
1973-cü il təvəllüdlü G.Həmidovaya kəsici alətlə xəsarət yetirilib.
Hadisəni törətməkdə şübhəli bilinən, G.Həmidovanın keçmiş həyat yoldaşı 56 yaşlı Ə.Atakişiyev Suraxanı RPŞ-nin əməkdaşları tərəfindən saxlanılıb.
Bildirilir ki, hadisə G.Həmidova işlədiyi məktəbdən çıxıb evə gedərkən baş verib. O, həmin məktəbdə xadimə işləyir.
