COP29 Sədrliyi iqlim maliyyələşməsi çərçivəsində 1,3 trilyon ABŞ dolları məbləğində vəsaitin səfərbər edilməsinin müzakirəsi üçün Dubayda keçirilən Dünya Hökumət Sammitində (WGS25) iştirak edib.
Ekologiya.az xəbər verir ki, bu barədə COP29-un "X" sosial şəbəkəsindəki səhifəsində məlumat verilib.
"COP29 Sədrliyi Dubayda keçirilən Dünya Hökumət Sammiti tədbirində iştirak edərək dünya liderləri və hökumətlərlə birlikdə bütün maraqlı tərəfləri COP29-un maliyyə hədəfinə nail olunması və tələb olunan 1,3 trilyon dolların səfərbər edilməsi üçün sıx əməkdaşlığa çağırır", - deyə məlumatda qeyd olunub.
