Gəncədə piyadanın vurulması ilə nəticələnən yol-nəqliyyat hadisəsi baş verib.
Avtosfer.az-ın məlumatına görə hadisə şəhərin Yeni Gəncə yaşayış massivində qeydə alınıb.
Belə ki, yolda hərəkətdə olan "Opel" markalı minik avtomobili yolu qarşı tərəfə keçmək istəyən 2000-ci il təvəllüdlü E.Əliyevi vurub.
Piyada xəstəxanaya yerləşdirilib və vəziyyətinin ağır olduğu bildirlir.
Hadisə yerinə DYP əməkdaşları cəlb olunub.
Faktla bağlı araşdırma aparılır.