ABŞ prezidenti Donald Trampın administrasiyası Dövlət Departamentinin xərclərini azaltmaq məqsədilə ölkənin dünya üzrə bir neçə konsulluğunu bağlaya bilər.
Demokratikmusavat.com xəbər verir ki, bu barədə "NBC" telekanalı məlumat yayıb.
Bildirilir ki, bu, Sakit okean adaları, Kanada və Meksikadakı, eləcə də Avropadakı, xüsusən Almaniya və Fransadakı konsulluqlara aiddir. Telekanal qeyd edir ki, Tramp artıq bu təşəbbüslə tanış olub, lakin onun həyata keçirilmə vaxtı ilə bağlı qərar hələ qəbul edilməyib. Dövlət Departamenti də öz növbəsində konsulluqlardan onların fəaliyyəti ilə bağlı məlumat istəyib.
Qeyd edək ki, ABŞ Hökumətinin Səmərəliliyi Departamentinin (DOGE) rəhbəri İlon Mask dövlət xərclərini 2 trilyon dollar azaltmağı planlayır.
Həmidə İbrahimova
