Braziliyanın Rio-de-Janeyro şəhərində sərnişin təyyarəsi avtomobilə çırpılıb.
Axar.az Publika.az xəbər verir ki, bu barədə Braziliya Aviasiya Qəzalarının Araşdırılması və Qarşısının Alınması Mərkəzi (CENIPA) məlumat yayıb.
Hadisə “Boeing 737 MAX” sərnişin təyyarəsinin uçuş-enmə zolağında irəlilədiyi zaman baş verib.
Xəsarət alan olmasa da, reys təxirə salınıb və sərnişinlər təyyarədən endirilib. Mümkün yanğının qarşısını almaq üçün yanğınsöndürmə qrupları cəlb olunub.
İlkin məlumata görə, təyyarə pikap və ya digər xidməti maşınla toqquşub.
