Rusiyanın müdafiə xərclərinin bütün Avropanınkından daha çox olduğunu göstərən araşdırma hesabatı dərc edilib.
Beynəlxalq Strateji Araşdırmalar İnstitutunun (IISS) hesabatına görə, Rusiya bir il ərzində müdafiəyə Avropa Birliyi ölkələri və Böyük Britaniyanın birgə xərclərindən daha çox pul xərcləyir. Rusiyanın müdafiəyə ayırdığı büdcə 462 milyard dollar olduğu halda, Avropa ölkələrinin ümumi xərcləri 457 milyard dollar olaraq göstərilib.
ABŞ prezidenti Donald Tramp və komandası Avropa ölkələrinin müdafiə büdcələrinin aşağı olduğunu vurğulayaraq, bunun davam edəcəyi təqdirdə NATO-ya lazımi büdcəni ayırmayacaqlarını açıqlayıb.
ABŞ Ukraynadakı müharibəyə 88 milyard dollar xərclədiyi halda, Avropanın Ukraynaya yardımının 130 milyard dollar olduğu müəyyənləşib.
Belə olan halda Avropa ölkələri də müdafiəyə daha çox pul xərcləməyə hazırlaşır. Fransa prezidenti Emmanuel Makron müdafiə büdcəsini iki dəfə artıracaqlarını açıqlasa da, Polşa da müdafiə büdcəsini ümumi milli məhsulunun 4 faizə qədər artırıb. Donald Trampın qarşıya qoyduğu hədəf 5 faizdir.
Bununla belə, bu məqsədə nail olunmaması ilə bağlı ehtiyatları olan ölkələr də var. İtaliyanın xarici işlər naziri Antonio Tajani 5 faizlik hədəfin yaxın perspektivdə onlar üçün mümkün olmadığını bəyan edib.
