Fransanın Qrenobl şəhərində bir barda baş verən partlayış nəticəsində 2-si ağır olmaqla 12 nəfər yaralanıb.
Yerli mətbuata görə, Qrenoblun “Village-Olympique” məhəlləsində yerləşən barda partlayış baş verib. İlkin məlumata əsasən, partlayış nəticəsində 2-si ağır olmaqla 12 nəfər yaralanıb. Hadisə yerinə çox sayda polis əməkdaşı cəlb olunub, həmçinin vali və prokurorluq rəsmiləri də araşdırma aparıb.
Partlayışın bara atılan əl qumbarasından qaynaqlandığı ehtimal edilir. Hadisə ilə bağlı istintaq başladılıb.
