Bakı, 16 fevral, AZƏRTAC
İngiltərə Premyer Liqasında XXV turun növbəti oyunu keçirilib.
AZƏRTAC xəbər verir ki, çempionluq mübarizəsi aparan "Liverpul" doğma meydanda "Vulverhempton"la qarşılaşıb. Görüş ev sahibinin 2:1 hesablı qələbəsi ilə yekunlaşıb.
"Liverpul"un qollarını Luis Dias və Məhəmməd Salah vurublar. Qonaqların yeganə qoluna isə Mateus Kunya imza atıb.
Bu nəticədən sonra xallarını 60-a çatdıran Mersisayd təmsilçisi turnir cədvəlində vahid liderdir.
