Türkiyə Super Liqasında XXIV turun oyunları keçirilir.
Milli.Az xəbər verir ki, bu gün lider "Qalatasaray" meydana çıxıb.
Komanda "Rizespor"un qonağı olub. Görüş "sarı-qırmızılılar"ın üstünlüyü ilə başlayıb. Hesab ikinci yarıda açılıb.
Viktor Osimhen komandasını önə çıxarıb. Çox keçmədən Ali Sou bərabərlik topunu vurub. Buna baxmayaraq, Osimhen dublunu rəsmiləşdirərək "Qalatasaray"a vacib qələbə qazandırıb - 2:1.
Qeyd edək ki, İstanbul təmsilçisi 63 xalla turnir cədvəlinə liderlik edir. Komanda ən yaxın izləyicisi "Fənərbaxça"nı 6 xal qabaqlayır.
Milli.Az
