Parlamentlər arasında əməkdaşlıq qarşılıqlı hörmət və etimada əsaslanmalıdır.
"Report" xəbər verir ki, bununla bağlı Rusiya Federal Məclisin Federasiya Şurasının üzvü Qennadiy Ordenov Asiya Parlament Assambleyasının (APA) 15-ci Plenar Sessiyası çərcivəsində Sosial və mədəni məslələr daimi komitəsinin Milli Məclisdə keçirilən iclasında danışıb.
O qeyd edib ki, AP çərçivəsində 40-dan çox parlamentari arasında aparılan danışıqlar ölkələr arasında etimadı artıra bilər:
"Biz çoxqütblüyün güclənməsinə gətirib çıxaran prosesləri müşahidə etməkdəyik. Asiya Parlament Assambleyasının bu proseslərə töhfə verməsi mühümdür. Biz yeni çağırış və təhdidlərin tərəflər arasında konsolidasiyanı zəruri etdiyini başa düşürük".
O vurğulayıb ki, Rusiya APA çərçivəsində əməkdaşlığı alqışlayır:
"Ötən il Moskvada keçirilən görüşün nəticəsində Rusiyanın təşəbbüskar olduğu qətnamə layihəsi və bir sıra qərarlar qəbul edildi. Rusiya bu kimi təşəbbüsləri dəstəkləyir".
