“Roma”nın baş məşqçisi Klaudio Ranyeri Avropa Liqasının 1/16 finalında “Portu” ilə cavab oyununda qələbəni şərh edib.
Arena.az məlumat verir ki, səfərdəki ilk oyunda 1:1 hesablı heç-heçə ilə barışmış “canavarlar”, “Olimpiko”da “əjdahalar”ı 3:2 hesabı ilə məğlub edərək, mübarizədən kənarlaşdırıblar.
Klaudio Ranyeri matçdan sonra baş tutan mətbuat konfransında bunları söyləyib:
“Heyətdə Dibala kimi çempiona malik olmaq çox vacibdir. O, fövqəladədir: az danışır, amma həmişə ən düzgün sözlər əsasında. O, aparıcıdır. Mən, qol buraxanda dəli oluram, biz isə iki dəfə qol buraxdıq. Biz həmçinin qol buraxmaq təhlükəsi ilə üz-üzə idik – bizə hələ vahid komanda olmaq gərəkdir. Rəqibin qırmızı vərəqəsindən sonra oyun bizim əlimizdə idi, ancaq bizə diqqət və nəzarəti qoruyub-saxlamaq gərək idi.
Mən fövqəladə şadam, amma bizə oyunumuzu yaxşılaşdırmaq lazımdır. Biz əvvəlki tək əks-hücumları buraxırıq, bu, yolverilməzdir. Həm “Atletik” və həm də “Latsio” – əla komandalardır, odur ki, burada bir seçimim yoxdur”, – UEFA-nın mətbuat xidməti italyan mütəxəssisdən sitat gətirir.
Yarışın 1/8 final mərhələsinə yüksəlmiş “Roma” bu mərhələdə Bilbao “Atletik”i və ya əzəli rəqibi “Latsio” ilə qarşılaşacaq.
