BMT Baş Assambleyası Ukrayna ilə bağlı Rusiya əleyhinə qətnamə qəbul edib.
Publika.az xəbər verir ki, bu barədə “RİA Novosti” məlumat yayıb.
Ukraynanın 50-dən çox ölkə ilə həmmüəllifliyi ilə hazırladığı qətnamə layihəsinə 93 dövlət səs verib. 18 ölkə qətnamənin əleyhinə səs verib, digər 65 ölkə isə bitərəf qalıb.
Qətnamənin mətnində Rusiyadan tələb olunur ki, “dərhal, tamamilə və qeyd-şərtsiz” bütün silahlı qüvvələri Ukrayna ərazisindən çıxarsın. Bundan başqa, sənəddə Rusiya tərəfinin hərbi əməliyyatları dayandırmaq üçün birtərəfli çağırışı da var.
