Bəzi çay növləri qəhvədən daha çox kofein ehtiva edir və yerba mate bu göstərici üzrə rekordçudur - deyə biologiya elmləri doktoru Vladimir Bessonov bildirib.
E-saglam.az xəbər verir ki, o, aif.ru ilə söhbətində ruslar üçün qəhvədən daha yaxşı canlandıra bilən altı içkinin adını çəkib.
Bessonov bildirib ki, yerba mate ilə yanaşı, qara və yaşıl çay və kakaoda böyük miqdarda kofein var. Eyni zamanda, onun sözlərinə görə, canlandırıcı təsirə malik olan təkcə kofein deyil. Məsələn, limon otu da, qəhvə kimi, taninlər ehtiva edir. Onlar qan damarlarının işini yaxşılaşdırmağa, orqan və toxumalara qan tədarükünü artırmağa kömək edir, bu da enerji artımını hiss etməyə imkan verir. Bioloq əlavə edib ki, İvan çayı və sbiten də qəhvə kimi canlandırır.
Mütəxəssis qeyd edib ki, normasında istifadə etdikdə bütün bu içkilər təhlükəsizdir.
Tərcümə: Könül Oruc
