ABŞ-nin "OpenAI" şirkəti süni intellekt texnologiyasının növbəti inkişaf mərhələsini təmsil edən "GPT-4.5" modelini təqdim edib.
“İki sahil” xəbər verir ki, "GPT-4.5" indiyədək hazırlanan ən güclü və inkişaf etmiş çatbot modelidir. Yeni versiya məntiqi əlaqələri anlamaq, yaradıcı ideyalar formalaşdırmaq və mürəkkəb problemləri həll etmək bacarıqlarını təkmilləşdirir.
"GPT-4.5" istifadəçilərin sorğularına daha dəqiq cavab verməklə yazı və proqramlaşdırma sahələrində daha faydalı olacağı gözlənilir. OpenAI mütəxəssisləri yeni modelin əvvəlkilərlə müqayisədə daha az səhvə yol verdiyini bildiriblər.
Məlumata görə, "GPT-4.5" nəzarətsiz öyrənmə prosesini genişləndirməklə süni intellektin daha dərin biliklərə yiyələnməsinə imkan yaradır. "Microsoft Azure" superkompüterlərində hazırlanan bu model AI sistemlərinin daha etibarlı və dəqiq işləməsinə töhfə verəcək.
