Dünən ABŞ və dünya siyasi tarixində anoloqu olmayan hadisə yaşandı. Belə ki, ABŞ Prezidenti Donald Tramp və vitse-prezident Cey Di Vens Ağ Evdə qonaq kimi qarşıladıqları Ukrayna lideri Volodimir Zelenskiyə qarşı olduqca sərt və kobud davranış nümayiş etdirdilər. Bu davranış media vasitəsilə bütün dünyaya nümayiş etdirildi.
Bütün bunların fonunda Azərbaycanın məsələyə mövqeyi necə olmalıdır?
Modern.az-a açıqlamasında deputat Rasim Musabəyov vurğulayıb ki, Azərbaycan bu məsələlərdən kənardadır:
"Azərbaycan bu proseslərdə yoxdur. Ukraynanın rəhbəri əslində ABŞ-a atəşkəsin əldə olunması ilə bağlı danışıqlar aparmaq üçün getmişdi. Lakin təəssüflər olsun ki, emosiyalarını cilovlaya bilmədi. Bu məsələdə Azərbaycanı axtarmağa dəyməz. Hamı kimi, Azərbaycan da müəyyən şəkildə Ukraynaya dəstək verir. Lakin bu məsələyə dövlət kimi yanaşmamızı soruşan yoxdur və biz neytrallığımızı qoruyuruq".
