Çin martın 10-dan sonra ABŞ mallarına əlavə gömrük rüsumları tətbiq edəcək...
Poliqon xəbər verir ki, bu barədə məlumat Çin Xalq Respublikasının Maliyyə Nazirliyinin saytında yerləşdirilib.
Məlumata görə toyuq, buğda və qarğıdalı məhsullarına 15 faiz, donuz əti, mal əti, meyvə, tərəvəz və süd məhsullarına isə 10 faiz rüsum tətbiq olunacaq.
Qeyd edək ki, ABŞ prezidenti Donald Tramp Pekini ABŞ-da narkotik ticarəti ilə effektiv mübarizə aparmamaqda günahlandıraraq, Çindən gələn mallara idxal rüsumlarını iki dəfə artıraraq 10%-dən 20%-ə qaldırıb.
Tramp 13 fevral 2025-ci il tarixini ABŞ-nin ticarət tərəfdaşlarına güzgü tarifləri tətbiq etmək üçün “böyük gün” adlandırıb. Bir neçə gün əvvəl o, ABŞ-dən polad və alüminium idxalına 25% rüsum tətbiq edən sərəncam imzalayıb və bu da martın 4-də qüvvəyə minib. Kanada üçün Amerikanın polad və alüminium tariflərinin 25% deyil, 50% ola biləcəyi ehtimalı gündəmdədir. Yaponiya artıq ABŞ-dən öz şirkətləri üçün polad və alüminium tariflərini ləğv etməyi xahiş edib.
Fevralın sonunda ABŞ prezident administrasiyası Meksikadan Çindən gətirilən mallara idxal rüsumları tətbiq etməyi tələb edib. Ağ Evdə hesab edirlər ki, Meksika öz məhsullarını Amerika məhdudiyyətlərindən qorumaq üçün bunu etməlidir.
Poliqon.info
