1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Kristal Pelas"ın 21 yaşlı yarımmüdafiəçisi Adam Uorton karyerasını İspaniya nəhəngi "Real Madrid"də davam etdirə bilər.
Oxu.Az "Daily Mail" nəşrinə istinadən xəbər verir ki, gənc oyunçu ilə "Real Madrid" maraqlanır. Mənbə Madrid təmsilçisinin baş skautu Yuni Kalafatın Adamın performansını çox bəyəndiyini və "Kral klubu"nun sözügedən futbolçunu diqqətdə saxladığını vurğulayıb.
Cari mövsüm bütün turnirlərdə 16 matça çıxan Uorton bir məhsuldar ötürmə ilə yadda qalıb. "Transfermarkt" İngiltərənin əsas millisində bir oyuna çıxmış yarımmüdafiəçinin transfer qiymətini 32 milyon avro dəyərləndirir. Adamın klubu ilə müqaviləsinin müddəti 2029-cu ilin yayına qədərdir.
