Azərbaycan Milli Elmlər Akademiyasının Hüquq və İnsan Haqları İnstitutunun professoru, Beynəlxalq Terrorçuluğa və Korrupsiyaya qarşı Mübarizə Mərkəzinin keçmiş direktoru Rövşən Vəliyev (Novruzoğlu) vəfat edib.
AzPost bildirir ki, “Qafqazinfo”nun əldə etdiyi məlumata görə, o, bu gün həbsxanada dünyasını dəyişib.
Mərhum bu gün torpağa tapşırılıb.
Qeyd edək ki, R.Vəliyev 2023-cü ildə Bakı Ağır Cinayətlər Məhkəməsinin hökmü ilə altı il azadlıqdan məhrum edilmişdi. Professor Cinayət Məcəlləsinin 178.3.2 (dələduzluq – külli miqdarda ziyan vurmaqla törədildikdə) maddəsi ilə ittiham olunmuşdu.
Rövşən Vəliyev 1991-1992 tarixlərində Cəlilabad icra hakimiyyətinin başçısı vəzifəsində çalışıb.
