Vətəninfo.az xəbər verir ki, ABŞ prezidenti Donald Tramp Vaşinqtonun Qrenlandiyanın öz müqəddəratını təyinetmə hüququnu dəstəklədiyini və onu ölkəsi kimi qəbul etməyə hazır olduğunu bəyan edərək, ABŞ-ın istənilən halda bu nəticəyə nail olacağını vurğulayıb.
“Biz Qrenlandiya xalqının öz gələcəyini təyin etmək hüququnu tam dəstəkləyirik və əgər onlar bunu istəsələr, onları ABŞ-da salamlayacağıq. Bunun baş verməsi üçün bütün tərəflərlə işləyirik, çünki Qrenlandiya təkcə milli təhlükəsizlik üçün deyil, həm də beynəlxalq təhlükəsizlik üçün vacibdir”, – Tramp çıxışında deyib.
Prezident qeyd edib ki, ABŞ Qrenlandiyaya strateji əhəmiyyətli ərazi kimi baxır və onun inkişafına sərmayə qoymağa hazırdır.
“Düşünürəm ki, bu və ya digər şəkildə Qrenlandiyanı alacağıq, sizi təhlükəsiz edəcəyik, zənginləşdirəcəyik və birlikdə bu bölgəni heç vaxt xəyal etmədiyiniz zirvələrə qaldıracağıq” dedi.
