“Özbəkistan Hava Yolları”nın Rusiya-Daşkənd reysi texniki səbəblərə görə ləğv edilib və sərnişinlər Moskvada qalıb.
“Qafqazinfo” xəbər verir ki, bu haqda aviaşirkətin teleqram kanalında məlumat verilib.
“Martın 5-də “Boeing 767-300” təyyarəsi Moskvanın Vnukovo hava limanından Daşkəndə uçmalı idi, lakin uçuş texniki səbəblərə görə ləğv edildi”, - məlumatda qeyd olunub.
Aviaşirkət martın 5-i və 6-da reys iştirakçılarını alternativ reyslərlə təyinat yerinə daşıyacağını vəd edib.
