Ermənistanın KTMT ilə münasibətlərinin formatı dəyişməz olaraq qalır və İrəvandan onun əməkdaşlığı bərpa etməyə hazır olduğuna dair heç bir siqnal yoxdur.
Herbiand.az xəbər verir ki, bu barədə təşkilatın baş katibi İmanqali Tasmaqambetov “İzvestiya” qəzetinə müsahibəsində məlumat verib.
"Biz İrəvanla işgüzar əlaqələri davam etdiririk. Bir daha vurğulamaq istərdim ki, Ermənistan Respublikası müttəfiq olaraq qalır və təşkilatın ölkə qarşısında öhdəlikləri qalır. KTMT ilə əməkdaşlığı bərpa etməyə hazır olma siqnallarına gəlincə, münasibətlərin formatı dəyişməyib və olduğu kimi qalır".
O, həmçinin Qırğızıstan prezidenti Sadır Japarovun təklif etdiyi KTMT Kollektiv Təhlükəsizlik Şurasının növbəti sessiyasının 2025-ci ilin sonunda keçiriləcəyini təsdiqləyib. Ənənəvi olaraq toplantı adətən noyabr ayında keçirilir, lakin dəqiq tarix hələ müəyyən edilməyib.
Yada salaq ki, 2024-cü ilin fevralında Ermənistanın baş naziri Nikol Paşinyan respublikanın KTMT-də iştirakını dondurduğunu bəyan etmişdi.
