EN

Iğdır-Naxçıvan qaz kəməri regionda enerji təminatı baxımından vacibdir

“Iğdır-Naxçıvan qaz kəməri regionun enerji təhlükəsizliyinə töhfə verəcək”.

Bunu Bakıvaxtı.az-a açıqlamasında iqtisacçı deutat Vüqar Bayramov deyib.

Onun sözlərinə görə, Iğdır-Naxçıvan qaz kəməri Naxçıvanın mavi qaza olan tələbatının bir mənbədən asılılığının aradan qaldırılması baxımından vacibdir. Deputat qeyd edib ki, kəmər vasitəsilə Naxçıvana ildə 750 milyon kubmetrə yaxın mavi qaz nəql ediləcək, daha sonra mavi qazın illik həcmi iki dəfə artırılacaq, bu da Naxçıvanın artan tələbinin ödənilməsinə imkan yaradacaq.

Kəmərin əsas üstünlüyü Naxçıvanda mavi qaza olan tələbin fasiləsiz ödənilməsinin təmin edilməsi və Naxçıvanın enerji təhlükəsizliyinin formalaşdırılmasıdır.

Vüqar Bayramov: Bu layihə Zəngəzur dəhlizindən sonra region üçün xüsusi töhfəsi olacaq

Müsahibimizə görə, bundan əlavə, Naxçıvan tam olaraq mavi qazı qardaş Türkiyə vasitəsilə alacaq, bu da asılılığı aradan qaldırmış olacaq:

“Digər tərəfdən, bu cür kəmərlərin çəkilməsi regionda enerji təminatı baxımından vacibdir. Hətta bu layihə bütövlükdə regionun enerji təhlükəsizliyinə töhfə kimi qiymətləndirilir. Gələcəkdə, xüsusilə, Zəngəzur dəhlizi istifadəyə verildikdən sonra region üçün xüsusi töhfəsi olacaq.

Kəmər həm də Azərbaycan və Türkiyə arasında münasibətlərin dərinləşməsini göstərən əsas layihələrdən biri kimi çıxış edəcək”.

Nərgiz Məmmədli

Chosen
18
4
bakivaxti.az

5Sources