Təbriz şəhərindən olan iranlı idmançı Qiti Musəvi 18 ton ağırlığında olan təyyarəni hərəkət etdirərək Ginnesin Rekordlar Kitabına düşüb.
Qaziler.az bildirir ki, bu barədə martın 7-də "Mehr" agentliyi məlumat yayıb.
İdmançının sözlərinə görə, İranın hüquq-mühafizə orqanları onun dünya rekordu vurmaq istəyini dəstəkləyib. Ona sınaq üçün təyyarə verən də onlar olub.
“Mən uzun müddətdir idmanla ciddi məşğul olmuşam, əvvəllər yük maşını sürükləməyi bacarmışam”, - Musəvi deyib.
İdmançı üç il ərzində hər gün 2-3 saat məşq edib. Dərslər peşəkar təlimçilərin rəhbərliyi altında keçirilib.
Musəvinin sözlərinə görə, məqsədinə çatmaq üçün nə qədər səy göstərdiyini onun əlindən bilmək olar. O əlavə edib ki, onun üçün qadınların güclü, qətiyyətli və özünə güvənən olduğunu sübut etmək vacibdir. Ona görə də Musəvi dünyada heç bir qadının etmədiyi bir işi görmək istəyirdi.
QAZİLER.AZ
