Hurriyyet.az xəbər verir ki, Rusiya Ermənistandan Kollektiv Təhlükəsizlik Müqaviləsi Təşkilatına üzvlük xərclərini ödəməyi tələb edib. Bu barədə açıqlamanı Rusiya Xarici İşlər Nazirliyinin təmsilçisi verib.
Rusiyanın xarici işlər nazirinin müavini Aleksandr Pankin bəyan edib ki, Ermənistan 2025-ci ilin sonuna kimi KTMT büdcəsinə öz töhfəsini ödəməsə, “müxtəlif ssenarilər” nəzərdən keçirilə bilər. Pankin bildirib ki, İrəvan təşkilatdan çıxması barədə məlumat verməyib.
Pankin deyib: "2026-cı il yanvarın 1-nə kimi ödənişin verilməməsinin iki ili tamam olacağı təqdirdə, ölkələr müxtəlif ssenariləri nəzərdən keçirə bilər".
Diplomat Ermənistanın KTMT-dən qovulmayacağını qeyd edib. Pankin deyib ki, başqa ölkələrin texniki, maliyyə və başqa səbəblərdən borclu qaldıqları hallar olub. Lakin İrəvanla "özləri gedəcək, ya da qovulacaqlar" vəziyyətləri olmayacaq. Lakin KTMT üzvü olan ölkələr gələcək münasibətlərin modallığını nəzərdən keçirə bilərlər.
Pankin İrəvanın təşkilatdan çıxış barəsində məlumat vermədiyini də bildirib. O, Ermənistanın təşkilatdan çıxmağa hazırlaşmadığını, sadəcə öz fəaliyyətini dondurduğunu qeyd edib.
Hürr Tərcüman
