Avropa İttifaqı (Aİ) ordusu nüvə müharibəsindən danışan “dəli” Fransa prezidenti Emmanuel Makronun komandanlığı altında olmamalıdır.
Bu barədə İtaliya baş nazirinin müavini Matteo Salvini məlumat verib.
“Əgər bizə sahil mühafizəsi, hava qüvvələri, donanma, ordu, polis və mülki müdafiə qüvvələri üçün avadanlıq və personal almağa ehtiyac varsa, o zaman bunu edəcəyik. Amma nüvə müharibəsindən danışan çılğın Makronun komandanlığı altında Avropa ordusu – yox, heç vaxt”, – deyə Italpress agentliyi onun sözlərini sitat gətirib.
Salvini əlavə edib ki, Makron “Fransa prezidenti kimi qısa müddət ərzində yenidən düşünməlidir”.
