İsrail Suriyadan gələn istənilən təhlükədən qorunmağa hazırdır. O, ölkənin cənubunun demilitarizasiyasını təmin edəcək və yerli druzları qoruyacaq.
Qaziler.az xəbər verir ki, bu barədə İsrailin müdafiə naziri İsrael Kats “X” sosial şəbəkəsində yazıb.
Eyni zamanda, İsrail hərbi idarəsinin rəhbəri Suriyanın müvəqqəti prezidenti Əhməd əl-Şaraanı Latakiyadakı vəziyyətin gərginləşməsi fonunda “əsl üzünü göstərən terrorçu” adlandırıb.
"Biz Suriyanın cənubunun silahsızlaşdırılmış və təhlükələrdən azad olmasını təmin edəcəyik və yerli druz əhalisini qoruyacağıq", - Kats yazıb.
İsrailin müdafiə naziri vurğulayıb ki, druz əhalisinə zərər verən hər kəs İsrailin cavabı ilə üzləşəcək.
QAZİLER.AZ
