Azərbaycan UEFA reytinqində gerilədi

Avrokuboklarda 1/8 final mərhələsinin ilk oyunlarından sonra UEFA reytinqi açıqlanıb.

News24.az xəbər verir ki, siyahıda müəyyən dəyişikliklər olub ki, bu da Azərbaycanın mövqeyinə təsir edib.

Sloveniya 2 pillə irəliləyərək 27-ci yerə yüksəlib və Bolqarıstanla Azərbaycanı geridə qoyub. 

UEFA-nın saytında açıqlanan reytinqdə Azərbaycan 1 pillə geriləyərək 29-cu pilləyə düşüb. Hazırda ölkəmizin 19,625, ondan 1 pillə öndə olan Bolqarıstanın isə 19.875 xalı var. 

Azərbaycan bu mövsüm 2,875 xal qazanıb. 

Qeyd edək ki, reytinq cədvəlinə 107.910 xalla İngiltərə başçılıq edir./qol