Əlisa Cabbarov bildirib ki, bu gün kino sahəsinə ayrılan pullar təyinatı üzrə xərclənmir. O, aidiyyəti qurumların bir-biri ilə yola getmədiklərini vurğulayıb:
"Ayrılan pullar hesabda yığılıb qalıb, kino ictimaiyyəti bunun səbəbini bilmir. Dövlət tərəfindən kino istehsalı üçün ayrılan vəsait lazımi formada xərclənmir".
Azərbaycan Respublikasının Kino Agentliyinin direktoru vəzifəsini icra edən Orxan Fikrətoğlu isə ona belə cavab verib:
"Statistikaya əsaslanmaq lazımdır. Kinoya ayrılan vəsait lazımi istiqamətdə xərclənir. Bu yaxınlarda "44", "Borc", "Doğma torpaq" kimi filmlərin təqdimatı olacaq. Deyəndə bunları da demək lazımdır".
Demokrat.az xəbər verir ki, Azərbaycan Kinematoqrafçılar İttifaqının sədri Xalq artisti Rasim Balayev "Qaynarinfo"ya açıqlamasında xəstə olduğu üçün sözügedən tədbirə qatıla bilmədiyini qeyd edib:
"Kinoya ayrılan və xərclənən pullar şəffaf olmalıdır. Məsələn, bu gün "Azərbaycanfilm"ə pul vermirlər. Niyə? O boyda studiya qalıb gözdağı kimi. Əgər studiya varsa, niyə ona pul ayrılmır? Kimə, hansı təşkilata nə qədər pul verirlərsə, bu açıqlanmalıdır. Əlisa düz deyir".
Sədrin sözlərinə görə, dövlətin kino sahəsinə ayırdığı pul Mədəniyyət Nazirliyinin balansına köçürülür:
"Nazirlik isə həmin pulu Kino Agentliyinin hesabına köçürür. Biz kino çəkən deyilik, amma ayrılan pullar kinoçəkənlərə, kinostudiyaya verilməlidir. Qəbul olunan ssenarilərin əsasında pul bölünməlidir. Amma bu gün proseslər elə gedir ki, bizim heç nədən xəbərimiz yoxdur. Pulun hara və necə xərclənməsi ilə bağlı məlumatsızıq. Bizi narahat edən əsas məsələ odur ki, Cəfər Cabbarlı adına Kinostudiya uzun illərdir, boş dayanıb, amma onlara pul ayrılmır. Niyə? Onların nə məqsədi var? Kinostudiyanı bağlamaq istəyirlər? Ümumiyyətlə, qurumla bağlı plan nədir? Kinostudiya qalıb bomboş, üç-dörd nəfər də əməkdaşı, film çəkmək üçün hər şərait də var. Niyə onlara pul ayrılmır? Səbəbini demirlər. Desinlər, biz də bilək".
10Sources
-
tribunainfo.azRasim Balayev: “Proseslər elə gedir ki, bizim heç nədən xəbərimiz yoxdur” ( 15974861)
-
mia.az"Nazirliyin məqsədi nədir, bizi bağlamaq istəyirlər?" - Xalq artistindən Əlisa Cabbarovla Orxan Fikrətoğlunun "söz atışması"na reaksiya ( 15973537)
-
mia.az"Nazirliyin məqsədi bizi bağlamaq istəyirlər?" - Xalq artistindən Əlisa Cabbarovla Orxan Fikrətoğlunun arasındakı "söz atışması"na reaksiya ( 15973495)
-
pravda.azRasim Balayev: "Proseslər elə gedir ki, bizim heç nədən xəbərimiz yoxdur" ( 15973177)
-
azia.az“Kinoya ayrılan pulun hara və necə xərcləndiyini bilmirik”-XALQ ARTİSTİ OD PÜSKÜRDÜ ( 15971765)
-
demokrat.azRasim Balayev: "Proseslər elə gedir ki, bizim heç nədən xəbərimiz yoxdur" ( 15971083)
-
sherg.azRasim Balayev: "Proseslər elə gedir ki, bizim heç nədən xəbərimiz yoxdur" ( 15970693)
-
oxu.azRasim Balayev: "Proseslər elə gedir ki, bizim heç nədən xəbərimiz yoxdur" ( 15970367)
-
kulis.azRasim Balayev: “Kinoya ayrılan pulun hara və necə xərcləndiyini bilmirik” ( 15968991)
-
azpost.infoRasim Balayev: “Kinoya ayrılan pulun hara və necə xərcləndiyini bilmirik” ( 15968385)
