Novruz bayramı ilə əlaqədar yollarda nəqliyyat vasitələrinin və sərnişin axınının artması gözlənilir
Yeniavaz.com xəbər verir ki, bu barədə DİN-in Baş Dövlət Yol Polisi İdarəsinin yaydığı məlumatda bildirilir.
“Əhalinin bölgələrə, kəndlərə səfərlərinin artması, bayram şənliklərinin keçirildiyi məkanlarda sıxlığın yaranması nəzərə alınaraq, Baş Dövlət Yol Polisi İdarəsi yol hərəkətinin təhlükəsizliyinin təmin edilməsi məqsədilə gücləndirilmiş iş rejimində fəaliyyət göstərəcək.
Bu müddətdə respublikanın magistral yollarında, şəhərlərə və rayon mərkəzlərinə giriş-çıxışlarda, turizm və istirahət zonalarına aparan yollarda nəzarət tədbirləri gücləndiriləcək”, - məlumatda deyilir.
Yol polisi sürücülərə uzun səfərlər öncəsi nəqliyyat vasitələrinin texniki vəziyyətini yoxlamalarını, yorğun halda sükan arxasına əyləşməmələrini tövsiyə edib: