İranın Cənubi Xorasan ostanında 5,2 maqnitudalı zəlzələ nəticəsində 28 nəfər xəsarət alıb.
APA-nın xəbərinə görə, bu barədə “Mehr” agentliyi məlumat yayıb.
Zəlzələ zamanı stresslə əlaqədar 10 nəfərə isə yerində lazımi dəstək verilib
***
saat 17.27
İranın Cənubi Xorasan ostanında 5,2 maqnitudalı zəlzələ olub.
APA-nın xəbərinə görə, bu barədə İran Seysmoloji Mərkəzi məlumat yayıb.
Yerli vaxtla saat 16.13 radələrində Bocnurd şəhərində qeydə alınan zəlzələnin ocağı 8 km dərinlikdə yerləşib.
Dağıntı və tələfat barədə məlumat daxil olmayıb.
Qeyd edək ki, bu gün səhər İranın Şimali Xorosan ostanında 4,7 və 4,1 maqnitudalı zəlzələ olub. Zəlzələ kiçik dağıntılara yol açıb, 7 nəfər yüngül xəsarət alıb.
