![4-ü](/uploads/posts/2023-11/foto-1-20.jpg)
Son 25 gün ərzində keçirilən silsilə əməliyyat və profilaktiki tədbirlər nəticəsində Şəki (Şəhər) Rayon Polis Şöbəsinin əməkdaşları vətəndaşlarda qanunsuz saxladıqları ümumilikdə 31 odlu silah aşkar edərək götürüblər.
Bu barədə Reyting.az-a Daxili İşlər Nazirliyinin mətbuat xidmətinin Şəki regional qrupundan bildiriblər.
Məlumata görə, həmin 31 odlu silahdan 4-ü “Kalaşnikov” markalı avtomat, 1-i “Makarov” markalı tapança, 2-si “TOZ” markalı yivli tüfəng, 24-ü isə müvafiq icazələri olmadan saxlanılan müxtəlif markalı ov tüfəngləridir.
Qeyd edək ki, 2023-cü il ərzində Şəki (Şəhər) Rayon Polis Şöbəsinin əməkdaşları tərəfindən bu istiqamətdə keçirilmiş əməliyyat və profilaktiki tədbirlər nəticəsində 6-sı avtomat, 5-i tapança, 8-i yivli “TOZ”, 70-i isə müxtəlif markalı yivsiz tüfənglər olmaqla ümumilikdə 85 odlu silah müəyyən edilərək götürülüb.
Qanunsuz saxlanılan silah-sursatın aşkarlanaraq götürülməsi və gələcəkdə baş verə biləcək ağır cinayətlərin qarşısının alınması məqsədilə şöbə əməkdaşları tərəfindən zəruri bilinən əməliyyat-axtarış və profilaktiki tədbirlər davam etdirilir.
![](/uploads/posts/2023-11/foto-4-9.jpg)
![](/uploads/posts/2023-11/foto-2-16.jpg)
![](/uploads/posts/2023-11/foto-3-13.jpg)