Kremldə NATO hərbçilərinin Qrenlandiyada mümkün yerləşdirilməsi ilə bağlı açıqlamalar barədə məlumat yoxdur.
Publika.az xəbər verir ki, bu barədə Rusiya prezidentinin mətbuat katibi Dmitri Peskov danışıb.
“Açığı, biz bu məsələ ilə bağlı heç bir bəyanat görməmişik və eşitməmişik, ona görə də nəşrlərin özlərinə münasibətimiz yoxdur”, - Peskov brifinqdə deyib.
Xatırladaq ki, bundan əvvəl "Spiegel" yazıb ki, Almaniya hökuməti ABŞ prezidenti Donald Trampın adaya marağı fonunda Qrenlandiyaya NATO qoşunlarının yerləşdirilməsi imkanını nəzərdən keçirir.
