Bakı, 6 fevral, AZƏRTAC
Argentina Prezidenti Xavyer Miley ölkənin Ümumdünya Səhiyyə Təşkilatından (ÜST) çıxması proseduruna başlamaqla bağlı xarici işlər nazirinə tapşırıq verib.
AZƏRTAC xəbər verir ki, bu barədə Argentina prezidentinin mətbuat katibi Manuel Adorni bildirib.
“Argentinalılar beynəlxalq təşkilatın bizim suverenliyimizə, xüsusən də səhiyyəyə müdaxiləsinə icazə verməyəcəklər”, - deyə Adorni vurğulayıb.
