Bakı,TurkicWorld
İtaliyanın xarici işlər naziri Antonio Tajani Birləşmiş Millətlər Təşkilatının Fələstinli Qaçqınlara Yardım və İşlər üzrə Agentliyi (UNRWA) ilə işləmək istəmədiklərini bildirib.
TurkicWorld xəbər verir ki, bu fikirləri Tajani cümə axşamı İsrailin xarici işlər naziri Gideon Saar ilə Aşdod limanında keçirdiyi birgə mətbuat konfransında deyib.
İsrail Xarici İşlər Nazirliyinin sözçüsü Oren Marmorstein Tajaniyə UNRWA ilə bağlı şərhlərinə görə təşəkkür edib.
Tajaninin UNRWA ilə işləmək istəmədikləri barədə bəyanatı, ABŞ prezidenti Donald Trampın 4 fevral çərşənbə axşamı günü UNRWA-ya maliyyəni həmişəlik dayandırmasından sonraya təsadüf edir.
İsrailin xarici işlər naziri Gideon Saar Aşdod limanında keçirdiyi birgə mətbuat konfransında ölkəsinin bu həftədən etibarən BMT İnsan Haqları Şurasından (UNHRC) çıxacağını bir daha bəyan edib.
