Ehtimal ki, sən də ayaqlarda ağır hiss, şişkinlik və yorğunluq hissi ilə qarşılaşmısan. Bəzilərimiz: çox gəzənlər və ya əksinə, gün boyu az hərəkət edənlər bu əlamətləri hiss edir. Bəziləri bunu daha tez-tez, bəziləri isə nadir hallarda yaşayır, amma çox az insan bu simptomları ciddi sağlamlıq problemləri ilə əlaqələndirir."Sadəcə yoruldum, çünki mən......çox gəzdiyim üçün;...uyğunsuz vəziyyətdə oturduğum üçün;...bütün günü ayaqda qaldığım üçün."Biz tez-tez ayaqlarda "gümbür-gümbür" hissi, şişkinlik və ağırlıq duyduğumuzda belə izah edirik. Çox vaxt heç birimiz bu vəziyyətdə fleboloqa (damar xəstəlikləri üzrə mütəxəssis) və ya ən azından terapevta müraciət etmirik, çünki ayaq yorğunluğu barədə həkimə şikayət etməyi ciddiyə almırıq."Bəli, kimdə olmur?" - deyirik və bəzən varikozun başlanğıcı ola biləcək narahat edici əlamətləri görməməzliyə vururuq. Çoxu bunun üçün sadəcə soyuq su ilə ayaq vanna və ya başqa ayaqqabılar geymək və ya soyuducu effekti olan kremlər istifadə etmək kimi yüngül tədbirlər görür.Amma vəziyyət "sadə yorğunluqdan" daha ciddi ola bilər. Bu, varikozun – alt ekstremitələrin damar xəstəliyinin başlanğıcı ola bilər. Çünki çox ayaqda durduqda, çox gəzdikdə və ya əksinə, hərəkətsiz həyat tərzi sürdükdə, qan damarlarında düzgün dövr etməməyə başlayır. Məsələn, bütün günü kompüter qarşısında oturanda belə qan dövranı düzgün baş vermir.Normalda, qan aşağı hissələrdən ürəyə qalxarkən xüsusi klapanlar ona kömək edir. Əgər bu klapanlar düzgün işləmirsə və ya damarlar genişlənibsə, qan damarlar boyunca qalxıb ürəyə çata bilmir. Bu, qan dövranının pozulmasına, damarların genişlənməsinə və deformasiyasına səbəb olur, nəticədə damarlar dəridə daha aydın görünür.Hansı həkimə müraciət etməliyəm?Əslində, varikoz damarları bir həftə və ya bir ayda meydana gəlmir; bu, illər çəkən bir prosesdir. Varikozun ilk əlamətləri – həmin yorğunluq hissi, şişkinlik və ağırlıqdır. Əvvəlcə bu əlamətlər arada bir görünür, amma zamanla insanlar bu narahatlıqla daha tez-tez üzləşirlər.Əlavə olaraq, daimi narahatlığa estetik problem də qoşulur: damarlar qorxulu görünür və onları gizlətmək hər zaman mümkün olmur. Bu, çox vaxt insanların həkimə müraciət etməyə qərar vermələrinə səbəb olur. Təəssüf ki, əgər xəstəlik artıq çox irəliləyibsə, həkimlər yalnız konservativ müalicə ilə kifayətlənə bilməzlər və artıq cərrahi müdaxilələrdən danışmaq lazım olur.Unutmayın ki, müalicəni yalnız mütəxəssis təyin edir. "Varikoz damar genişlənməsi" diaqnozu yalnız ətraflı müayinə nəticəsində qoyula bilər: bu, yalnız xəstə ilə danışıq, analizlər deyil, həm də damarların ultrasəs tədqiqatını (UZDS – alt ekstremitələrin damarlarının ultrasəs dupleks skaneri) əhatə edir. Bu prosedur tamamilə ağrısızdır və heç bir narahatlıq yaratmır, amma eyni zamanda çox məlumatvericidir. O, damarların vəziyyətini və içindəki venoz klapanları müəyyən etmək üçün lazımdır.
Səidə
Diqqət Çəkənlər
FHN: Ötən gün 9 nəfər xilas edilib
Çində torpaq sürüşməsi: Onlarla itkin var
Hikmət Hacıyev Pakistanın Azərbaycandakı səfirini qəbul edib
